Dan lé-o lo gran Süd : ti-lékol la müzik pou rante dann maloya
Lané 2020 lassossiasyon la-fé in lantouraj pou k’i fé viv, pou k’ i fé konète la kültür èk lidantité La Rényon dan lé-o lo gran süd. Dan son ti lékol maloya, avèk in manièr pédagojik, lassossiasyon i vé dévlope :
- La Kültür otour bann müzik La Rényon
- Bann pratik ritmik avèk zinstrüman tradisyonèl
- La konéssans’ dessü lo Patrimoine imatéryèl La Rényon
- Lo lien sossial rante zabitan diféran kartié
- Linklüzion sossial, linklüzion profésyonèl bann jèn i vé pran zot plas’ dan la sossiété.
Pou sat i konsèrn lo dérnié poin-la, la müzik, Maloya i pé done in bon kou-d’min pou linklüzion sossial, pou linklüzion profésyonèl ki-soi pou bann jèn ki-soi pou bann zadült na pwin travaïy.
ti lékol pou rante dan la müzik maloya, po done lo gou
Lo prinsipal lobjéktif ti lékol la müzik : fé an-sorte bann zabitan lé-o d’ lil, bann jèn tout’, ninport’ zot gayar, i guingne in konéssans’ dessü bann zarlor lo divérsité la müzik Maloya. Pou fé sa, va mète an-plas’, dan bann group laprantissaj, in solid formasyon oussa i pran lo plézir , oussa lo travaïy lé séryé. Dann shak péryod formasyon néna 10, 12 partissipan.
Lo bann ti lékol i rouvèr lo weekend sinonsa la somèn, in fois par mois dan shak téritoir lé-o d’ lil solon la kantité moun lé inskri. Ala lo bann vil lé-o lé konsérné : Lo Gran Sud dopi Sint-Filip züska Zaviron soman i passe par la Plèn-dé-Kaf èk Lantre-deu.
Kan bann séans’ la-fini, shak partissipan i arsava èk in tütoryèl. Avèksa, konm zot nora bann zéléman lo formasyon, sar possib po zot, si zot i vé, argarde bann zéléman pédagojik pou mié konprann.
vien aprann joué maloya sanm nou !
Pran lo tan argarde nout Formasyon an-lign dessü lo zarlor lo Maloya ! Sa in nafèr pou domoun i ème la kültür La Rényon. In lintéraksyon sar possib dann formasyon-la pou bien trape lo bann ritm, lo bann shanté, lo bann dans’ tradisyonèl néna dan lo Maloya. Tout’ domoun i pé rante dann ron, néna modül vidéo, zégzèrsis’ pratik, rankonte an-dirèk sanm domoun gabié. Kan ou i inskri aou, ou done in bon kou-d’ min pou ède anou fé viv nout gayar patrimoine.
Inskri aou jordü-mèm, rante dan lanbians’ Maloya !
nout bann zaksyon & zévènman
Restitution Maloya dann léo à la cité du Volcan
Le 11 desanm 2021, dan la Cité du Volcan, i ena ti restitution du projet maloya dann léo. An prog’ram :
Maloya dann léo à Saint-Philipe
A Saint-Philippe, zot i laissé zot emporté par bann son authentik du Maloya, musique du l’âme réunionnaise. Sa atelyé-la, animé par l’intervenan an musique tradisyonel, i fé zot découvr’ bann percussions ek bann chant envoûtan de sa tradisyon-là. In vwayaz sonor pou ti n’gran, a pa manké.
Maloya dann léo Avirons
A Z’Avirons, bann participants i plongé dan l’univers vibrant du Maloya pandan in atelyé interactif. Zot i exploré bann percussions ek bann chant tradisyonel, ek zot i partaz’ in moman inik ek bann amourez de sa musique emblematik de La Réunion. In envitasyon pou viv’ la kultur’ de l’île d’une mannyèr intense ek authentik.
kontakte anou !
Ou néna késtion, propozisyon, ou souète konète d’ot shoz dessü nout bann formasyon, nout bann zévèman ? Nou ékoute aou !
Ladrès èk téléfone
lantant.maloya@gmail.com
N° 73 bis Route des Sables 97427 L’Etang Salé