Lané 2020-2021Lassossiasyon Lantant Maloya la-fé in lantouraj pou inn politik k’i prézèrve, k’i fé konète la kültür, lidantité La Rényon néna dan lé-o lo Gran Süd. Laspé pédagojik lassossiasyon dann lo ti lékol maloya lété la pou dévlope :
La konéssans’ dessü lo Patrimoine imatéryèl La Rényon dan lé-o lo Grand Sud
Lütilizasyon la müzik pou linklüzion sossial, pou linklüzion profesyonèl bann jèn, bann zadült na pwin travaïy.
Ti lékol pou rante dan la müzik maloya, pou apréssié son joliès
Lo prinsipal lobjéktif ti lékol la müzik : fé an-sorte bann zabitan lé-o d’ lil, zabitan lé-ba, bann jèn tout’, ninport’ zot gayar, i guingne in konéssans’ dessü bann zarlor lo divérsité la müzik Maloya. Pou fé sa, va mète an-plasse, dan bann group laprantissaj, in solid formasyon oussa i pran lo plézir, oussa lo travaïy lé séryé. Dann shak péryod formasyon nou la-prévü 10, 12 partissipan.
Lo bann ti lékol i s’passe lo weekend sinonsa la somèn, in fois par mois dan shak téritoir lé-o d’ lil solon la kantité moun lé inskri. Lo bann vil lé-o lé konsérné : Lo Gran Sud dopi Sint-Filip züska Zaviron soman i passe ossi par la Plèn-dé-Kaf èk Lantre-deu.
