inn pti mo dessü lantant maloya
Lassossiasyon LANTANT Maloya i égziste dopi séktanm 2000, son lobjéktif :
- Défann, dévolpe, done la min pou fé konète la müzik la Kréolité : lo Maloya, lo Séga
- Défann zintéré bann zartist i fé bann müzik-la, bann group lé dan bann kartié prioritèr, bann kartié inpé loin dan lé-o.
- Ramasse bann müzik rényoné pou mète azot anlèr épüla pou fane partou
- Défann la lang kréol avèk lo tèks bann müzissien ; organize kabar
- Produi, pübli, dévlope in labèl po bann müzik lé an-kréol rényoné
- Mète an-plas’ bann d’ formasyon i mète anlèr, i fé avanse la kültür, lo sossial, lantouraj, la solidarité ; organize bann voiyaj-zétüd pou domoun i sobate pou Maloya, po Séga.
vien aprann joué maloya sanm nou !
Pran lo tan argarde nout Formasyon an-ligne dessü lo zarlor lo Maloya ! In nafèr pou domoun i ème la müzik, i ème la kültür La Rényon. In lintéraksyon sar possib dann formasyon-la pou bien trape lo bann ritm, lo bann zinstrüman tradisyonèl néna dan lo Maloya. Tout’ domoun i pé rante dann ron, néna modül vidéo, zégzèrsis’ pratik, rankonte an-dirèk sanm domoun gabié. Kan ou i inskri aou, ou done in bon kou-d’ min pou ède anou fé viv nout gayar patrimoine la-fine rante dan lo patrimoine mondial L’UNESCO.
Inskri aou jordü-mèm, rante dessü la tèr Maloya !
zimaj nout bann zintèrvansyon
